睇完場利記對紅魔真係嬲到爆炸 又再顯示出費SIR既無能同班球員既弱點 欣喜既係紅軍唔可以再話冇得到球證既偏幫 雲達沙 -- 左飛右撲 屢救險球 救出奧利里奧既罰球 抵擋三千既漏頂同回傳 差Ｄ比拿尼害到斷腳等等 再一次證明兩位後備門將仲要有排學 奧沙 -- Ｏ係右閘位防守尚可 進攻不足 同華倫西亞既默契仲有排夾 幾時疊瓦幾時幫波 唔該夾好Ｄ先 里奧 -- 再一次證明中堅位置唔Ｏ岩佢 傳中波判斷失誤繼而漏頂 中腰波回傳比雲達沙 拍波唔夠實淨 完全唔識落腳攔截 證明佢Ｏ岩踢既係防中而唔係中堅 維迪 -- 第一張黃牌非常無辜 第二張黃牌比傑斯累 艾華 -- 左路進攻尚可 防守不足 多次要中堅幫佢包波 有力進攻無力防守 實在不行 須知今場係對利記唔係對魚腩 勤力Ｄ協防好無 華倫西亞 -- 作為翼鋒單啼實在過份 面對活力型閘位即見吃力 練好隻左腳同默契再落場啦 卡域克 -- 廢到爆炸 中場中間 唔敢控定個波比自己做 回傳中腰波比隊友 唔現位要波 防守唔見落力 得第一分鐘同最尾Ｏ個一分鐘先見佢埋去拍波 李鐵都不如 史高斯 -- 卡域克分擔唔到工作之餘仲要害埋佢要落力防守 進攻又係佢 防守又係佢 博到冇力 傑斯 -- 無狀態無力 上半場見佢推波都無力 成日走入中間冇人拉邊 間接令中場冇波可交 史高斯被換後踢中間更見吃力 累維迪出場既主要功臣 貝碧 -- 前場拎到波之後冇人可幫 長期比人二人夾攻 孤立無援 朗尼 -- 缺乏輸送 全場有印象既掂波次數五次有找 唔落力 未知是否傷患初癒所影響 奧雲 -- 後備落場時間太小 缺乏表現機會 單刀被犯已見作用 拿尼 -- 把握小小時間 再次證明係球隊既有害物質 夾左幾年都夾唔到隊波 打翼冇速度冇腳法冇身形單啼 輸第二球主因控ＥＡＳＹ波到甩腳 差Ｄ累到雲達沙收山 返去踢萄超啦 費SIR -- 換人太慢 要落後先開始諗焚制 應該要換既又唔換 傑斯卡域克呢Ｄ冇作用既又唔換 拿尼呢Ｄ廢人又換出黎 有安達臣又唔用 唔夠決心打三箭頭 球證 -- 正!!!! 王子一吃草就吹雞自己蹺腳都吹雞 亂派黃牌 對利記犯規視若無睹 十二碼唔講半場前禁區頂三個犯規都唔吹，好野!!!!! 加歷查一次犯朗尼單刀無牌一次犯奧雲得張黃牌真係驚為天人!!! ＴＨＡＮＫ ＹＯＵ～ | 